Ekainaren 26tik 28ra bitartean, Lakuntzak hartuko du Gazteen Dantza Topaketa 2026. Euskal Herri osoko dantzari gazteak elkartuko dira bertan, asteburu batez dantza, harremanak eta elkarbizitza partekatzeko. Gazteen Dantza Topaketa ez da emanaldi bat. Dantzari gazteak elkartzeko, elkar ezagutzeko eta euskal dantzen inguruan hausnartzeko topagunea da. Urtez urte sendotzen joan den proiektua da, eta belaunaldi-erreleboa, komunitatea eta kidetasun-sentimendua ditu ardatz. Aurtengo edizioari hasiera ekainaren 26an, 19:30ean, emango zaio, Lakuntzan egingo den hasiera-ekitaldiarekin. Adi egon gure sare sozialei!

15-26 urte dituzu? Dantzaria zara? Hemen da Gazteen Dantza Topaketaren laugarren edizioa!

III. Gazteen Dantza Topaketa amaitu berri da eta ezin dugu besterik esan: eskerrik asko!

Gazteen Dantza Topaketa antolakuntzatik, atsekabe handiz adierazi nahi dugu Haize Dulantzi taldeko dantzari gazte baten heriotzaren berria jaso dugula. Aurten ospatuko den edizioan parte hartzekoa zen.

Euskal dantza tradizionalarekiko konpromisoari omenaldia 2025eko ekainaren 26an, 19:30etan, Bilboko Euskalduna Jauregiko 0B aretoan egingo da Dantza Tradizionalaren Esker Onak sarien bederatzigarren edizioa, euskal dantza tradizionalaren zaintza eta zabalkundea lasai baina etengabe sustatu duten pertsona eta entitateei eskerrak emateko ekitaldia. Gazteen Dantza Topaketari eginiko aitortza hau bereziki emozionagarria da: egitasmo honek belaunaldi berriak batu eta motibatu ditu dantza tradizionalaren bueltan. Proiektu honek ez du soilik gazteen parte-hartzea bultzatu; euskal kultura-ehuna indartu du, ondare zaharra gaur egungo gazteen indar eta sormenarekin lotuz, etorkizuna gure esku dagoelako. Gazteen Dantza Topaketaren ondoan, Goi-alde (Erandio), Lorabarri (Portugalete), Ibai Lorak (Zalla), Ibai Arte (Zorrotza-Bilbao) eta Gazte Berri (Sodupe) bezalako talde historikoek ere jaso dute omenaldia.…

Gazteen Dantza Topaketaren helburua da gazteen ahotsa entzutea eta belaunaldi-erreleboa bermatzea dantza tradizionalean. Horregatik, 15 eta 25 urte bitarteko Euskal Herriko dantzari gazte guztiei galdetegi labur bat betetzeko eskatzen diegu — ez da beharrezkoa GDTn parte hartzea.

Topaketaz gozatu nahi duzu? Zatoz laguntzailegisa!!

Sare sozialetako bozketa irekiaren eta epaimahaiaren erabakien ondoren, jakinarazi dezakegu jada zein izango den Seguran (Gipuzkoa), ekainaren 27tik 29ra egingo den GDT 2025aren irudi nagusia.

Datorren larunbatean, apirilak 5, Euskal Dantzarien Biltzarrak antolatutako Euskal Herriko III. Gazteen Dantza Topaketaren aurkezpen ofiziala egingo da Seguran.

Gazteen Dantza Topaketaren 3. edizioa berrikuntzekin dator, eta aurten URTZ musika taldearen lankidetza izango dugu! Horri esker, "Dantzen Desafioa" jarduera bereziagoa eta esanguratsuagoa izango da. Aurreko edizioetan parte-hartzaileek edozein abesti aukeratzen zuten, baina aurten erronka bat proposatu diegu: URTZ taldearen abestietan oinarritutako koreografiak sortu beharko dituzte, betiere euskal dantzako urratsak erabiliz.